مدينة الطائف أو زي ما يسميها الناس بـ”مدينة الورد” لأنها مشهوره بكثرة الورود الموجودة في الوديان والجبال، هي مدينة موجودة فوق الجبال عشان كذا يروحون لها الناس بالأوقات الحارة في فصل الصيف بس المدينة لها مميزات بعد في فصل الشتاء خصوصًا إنها تمطر بكثرة عشان كذا الناس تروح لها لأنه جوها الشتوي ما يتفوت، وزيادة على كذا أغلب الناس يروحون لها عشان يعيشون مغامرات تسلق الجبال (هايكنق) وفيها بعد رحلات لمزرعة ورود
اليوم راح نستعرض مجموعة من أفضل الأماكن والأنشطة والفعاليات الترفيهية التي تقدر تستمتع فيها في مدينة الطائف
تجوّل في أرجاء منتزه الردّف
منتزه الردّف موجود في وسط مدينة الطائف الجميلة ويُعتبر أحد أكثر الأماكن اللي تصلح تقضي وقتك فيها مع عائلتك، لاتنسى تجيب معاك مستلزماتك وملابس مناسبة للعب كرة القدم وتقدر تستمتع بجميع أشكال الرياضة التفعالية، تعتبر هذه الرحلة فرصة مثالية لتحفيز أطفالك عشان يستثمرون أوقاتهم باللي يعود عليهم بفوائد صحية على مستوى الجسد والعقل والنفس
تصنّف النوافير الراقصة فيها من المناظر الأكثر جاذبية، فإذا كنت تتمنى تشوفها فلازم تروح للمنتزه من ٧:۳۰ مساءً إلى ۱۰:۳۰ مساءً
استمتع بالهواء المنعش على جبال الشفا
جبال الشفا معروفة بارتفاعها الشاهق واللي يوصل لحد ۲۲٤۰ متراً عن سطح البحر، وعشان موقعها الجيوغرافي راح تلاحظ إن المنطقة تتميز بالأجواء الباردة في أغلب فترات السنة، ويُعتبر جبل دكا واحد من أشهر جبالها واللي يعتبر أنسب جبل يروحون له السياح والزوار
يبلغ حجم منتزه جبل دكا مساحة ۱۰ آلاف متر مربع وتتوفر فيه فعاليات عديدة مثل رحلات منظمة والتخييم ومسار للتنزّه (هايكنق) والتسلق الجبلي وحفلات شوي، وإذا درت بين الجبال راح تشوف تجارِ الورد الطائفي والفواكة اللي تشمل الرمان والتين الشوكي (البرشومي) والعنب، استعد لتجربة مجموعة بديعة من النكهات المختلفة والطازجة واللذيذة وعيش رحلة في وسط الطبيعة الجبلية
استكشف فوهة الوعبة الساحرة
فوهة الوعبة هي عبارة عن تشكل طبيعي جاء بعد ما انفجر بركان قبل ملايين السنين وتبعد الفوهة ۲٥۰ كيلومترًا عن مدينة الطائف، وهذي الفوهة الحين تصنف كمعلَم باهر سياحي وأثري وتاريخي
تعتبر الفوهة أكبر حفرة في شبه الجزيرة العربية، ويوصل عمقها لـ ۲٥۰ مترًا وقطرها كيلومترين، وموجود في سطحها بلورات فوسفات الصوديوم البيضاء بالإضافة إلى طبقة ملحية تتحول إلى بحيرة لؤلؤية أول ما ينزل عليها الأمطار، وهذا اللي يخلي منظرها ساحر خصوصًا إنه حواليها شبكة ممتدة من الشجيرات والأعشاب الصحراوية وأشجار النخيل
إذا كنت تعشق المغامرات، فننصحك باستكشاف هذي الحفرة البركانية وعشان تشوف العجائب الطبيعية المذهلة الموجودة في هذي المنطقة
تسوّق في أنحاء جوري مول الضخم
جوري مول هو أفضل وجهة تسوق لأهل وزوار مدينة الطائف، وراح تلقى هناك جميع الماركات العصرية والشائعة، وفيها نوافير موجودة في وسط المركز التجاري واللي يعطيها منظر جميل للمكان وتقدر تجلس وتستمتع بكوب القهوة من المقاهي الكثيره والمتنوعة الموجودة هناك
راح تلقى مكان مخصص للمطاعم في الأدوار العليا، وفيه منطقة للعب تكون شاملة ومشوقة ترضي جميع الأذواق سواء صغار أوكبار، هذا المكان يجمع مابين متعة التسوق والأنشطة الترفيهية والجلسات المريحة والراقية
عيش حياة الأولين
السوق موجود على بعد أربعين كيلومتر شمال شرق مدينة الطائف، وكان بالسابق مسرح للتجمعات الاجتماعية وهناك كانوا الناس يشاركون ويطرحون الشعر والنثر، وممكن بعد يدخل فيها نقاشات عن السياسية والتجارية بشكل عام
في العصور القديمة، كان سوق عكاظ يعتبر من أكبر الأسواق في عصور ما قبل الإسلام، وعشان كذا كان يجذب التجار من منطقة الشرق الأوسط، وقررت الحكومة السعودية كل عام إنهم يسوون مهرجان عشان يحيون السوق في نفس موقعه التاريخي وبكذا يروجون للثقافة والتراث المحلي
فرصة للسفر عبر الزمن
يعتبر من أهم القصور القديمة في مدينة الطائف وتم بناؤه في عام ۱۹۰٥ بأمر من الشريف علي واستغرق بناؤه سنتين، وبعد هو يعتبر موطنٌ لمتحف قصر شبرا واللي لازم يزوه كل محبي القطع الأثرية والتاريخ
كان الهدف من بناء القصر هو لحماية السكان من الغزو العثماني لأن موقعه يخلي الدفاع عنه سهل وبعد يدافع عن أرضه الخصبة وبساتينه ومزارعه الجميلة، وبعد لكونه محاط بالجبال من جميع الجهات
ينقسم المتحف إلى قسمين وفيه أكثر من ۱٥۰ غرفة محاطة بأجمل الحدائق الداخلية بمدينة الطائف
استنشق الهواء الطلق في منتزه سيسد الوطني
هذي الحديقة هي المكان المثالي للنزهات الجماعية مع الأصدقاء أو الأهل، وتتميز الحديقة بالعديد من المناظر والأنشطة الترفيهية الأخرى اللي فيه منها اللي يناسب الجميع واللي يناسب بشكل خاص الأطفال، منتزه سيسد الوطني موجود على طريق المطار في مدينة الطائف
داخل المنتزه فيه العديد من المساحات الخضراء الجميلة والأشجار العالية اللي ممكن الواحد يجلس يتأمل روعتها ويقضي بعض من الوقت في وسط الطبيعة الخلابة
حلّق بالتلفريك إلى قرية الكر السياحية
هذي القرية الباهرة – واللي تشبه حصن عتيق وعامر – موجودة في منطقة الهدا، وحوالينها فيه مسارات تاريخية كانوا يستخدمونها طريق للقوافل والتجار للتنقل ولنقل البضائع والطرود والرسائل، والقرية هذي موجود فيها مجموعة من المدن الترفيهية اللي تتميز بتشكلية متنوعة من الألعاب المائية مثل الدوامة المائية والزلاجة السريعة ونسيج الأمواج وغيرها الكثير، تقدر تجرب جميع هذه الألعاب إذا شريت سوار فردي بسعر ٥۰ ريال سعودي
ننصح جميع المتجهين لقرية الكر السياحية إنهم يركبون التلفريك (العربات المعلقة)، وتقدر توصله عن طريق محطة مخصصة موجودة في أعلى جبل الهدا، وراح تدخل داخل عربة معلقة توديك إلى المحطة السفلية عبر طريق يمتد لنحو ٤۲۰۰ متر، ومن فوق تقدر تصور المناظر الطبيعية الخلابة والمسارات التاريخية
استرخِ وسط منتجع ومنتزه القرية الخضراء
القرية الخضراء موجودة قدام قصر الضيافة العسكري، وتشتهر بعروضها النارية الليلية اللي تأسر العديد من الفئات العمرية والإجتماعية، ويتميز هذا المكان بإنه فيه مدينة ألعاب مخصصة للأطفال وزيادة على كذا يقدرون الآباء والأمهات إنهم يشاركون أطفالهم باللعب، راح تمر أثناء جولتك على متحف تراثي فيه أكثر من عشرين ألف قطعة أثرية وزيادة على كذا راح تتعلم كثير عن الثقافة والتاريخ والتراث والحضارة السعودية
وأنت تتنزه حول الأشجار والزهورراح تلقى منطقة جلوس مريحة تقدر تسترخي فيها وتطلب القهوة أو المأكولات الخفيفة أو حتى تاكل وجبات رئيسية من أحد المطاعم والأكشاك والمقاهي المتنوعة والوفيرة
اختتم رحلتك بجولة في حديقة حيوان الطائف
صدق إنها حديقة قديمة ، إلا إنه فيها جميع المرافق من حمامات ومواقف للسيارت، وبعد تم استيراد الحيوانات لها من مختلف البلدان والقارات حول العالم، وهذا اللي يخليها وحدة من أكثر الأماكن زيارة من قبل السياح وحتى المواطنين والمقيمين
راح تستمتع أنت وأطفالك بتنوع الحيوانات المفترسة مثل الاسود والنمو والفهود، والحيوانات الثدية كالغزلان والفيلة الإفريقية والقرود، والطيور الجارحة مثل النسر الأمريكي والعقاب وطائر الباز، وراح تقضي وقت ماله مثيل في الحديقة
حمل تطبيق هلا يلا الشامل واستمتع بالمزيد من التجارب المتنوعة والمميزة
