وجبة العشاء من الوجبات اللي الواحد وده يستمتع فيها خصوصًا إذا كانت بعد يوم عمل طويل أو بوقت سفر أو بوقت الفراغ أو حتى بوقت إجازة! هي الوجبة اللي تقدر تغير فيها روتينك وتجدد نفسيتك وتقضيها مع أهلك أو أصحابك
وأحلى ما في الوجبة إذا كانت فمكان فاخر وحلو وخدمته سريعة ويقدم أكل لذيذ، إذا كنت توافقنا الرأي فمعناته تعال واكتشف معنا أفضل ٥ مطاعم موجودة في الرياض من ناحية لذة الأكل وجمال المكان وسرعة الخدمة اللي لو اجتمعت كل هذي المزايا في مكان واحد راح تخلي تجربة الأكل فيها ماتنسي وراح تتمنى تكررها كل يوم، عيش اللحظة بتجربة من عالم ثاني
جمعنا لكم مطاعم من كل مكان في العالم! راح تلقى هنا مطعم متخصص بثقافة شعب معين، عيش التجربة وسافر وأنت في مكانك مع كل قضمة
قائمة أفضل ٥ مطاعم من ٥ أماكن حول العالم
إل بي إم – LPM
مطعم وكوفي إل بي إم اللي تم افتتاحه بـ ٢٠٢١ في العليا، هو من المطاعم المميزة اللي راح تنقلك لتجربة فرنسية فاخرة وأنت بقلب المملكة، استمتع بالمطبخ الفرنسي بالطريقة الجديدة واللي تعتمد أغلب أكلامتهم على زيت الزيتون بدال الزبدة والقشدة عشان تخلي الأكل خفيف وصحي ولذيذ بنفس الوقت، ولا ننسى تصميم المكان الرائع والديكور الجميل اللي يجسد لك الأجواء الباريسية الجميلة، وعشان يضمنون لك تجربة ما تنسي فعشان كذا المطعم يهتم حتى بتفاصيل الطبق ويستخدمونه كطريقة فريدة عشان يعبرون فيها عن مطبخهم وطريقة تقديمهم المميزة
ميازو – Myazū
مطعم ميازو اللي كان معروف باسم نوزومي سابقًا والموجود في شارع الضباب هو من أفضل المطاعم المتجددة واللي ممكن تخيلك تجرب تجربة عشاء ما تنسي خصوصًا مع التغييرات اللي صارت بالمينيو، نقدر نقول انه من أوائل المطاعم الفخة واللي لسا محافظ على جودته ومميزاته! ميازو وجهة كل محبي المطبخ الياباني وثقافة شعبه، ورواد المطعم بعد يروحون له لأنه كل طبق يتمز بشكله الفريد اللي يشبه اللوحة الفنية وفيها تداخل ألوان خصوصًا وإنه يعكس ثقافة اليابان وتاريخها، نقدر نقول إنه في ميازو راح تخليك تجرب تجربة دولة مو بس تجربة عشاء
شبابيك – Shababik Garden
المطعم اللبناني المعروف بـ “شبابيك غاردن” والموجود في منطقة بوليفارد الرياض، هو من ضمن سلسلة المطاعم العالمية الموجودة في موسم الرياض وهو من المطاعم المطلة على النافورة الراقصة، وموقعه أعطى المطعم ميزة زيادة، فالمطعم يقدم ألذ المؤكولات اللبنانية وخدمته رائعة وتصميم الديكور روعة وجلساته خارجية عشان تستمتع بالأجواء الجميلة بالاضافة إلى اطلالته على النافورة الراقصة واللي تخليه بدون منازع من أجمل تجارب العشاء الفاخرة الحالية اللي مارح تنسي!
شبيرياني – Cipriani
مطعم شبرياني المشهور هو مطعم إيطالي ياباني مشهور بانتشار فروعه حول العالم خصوصًا إنه موجود في المدن المهمة فقط، فهو موجود في لندن ودبي وهونج كونج ولاس فيغاس ونيويورك وموسكو والحين هو في الرياض من عام ٢٠١٨! تم تأسيس المطعم في عام ١٩٣١ وهذا اللي خلاه عنده طابع فريد ومميز واللي تبرز فيه الرفاهية البسيطة اللي تعجب الناس، هذا المطعم بالذات عنده مؤكولات إيطالية كلاسيكية لذيذة، فإذا كنت من محبي الباستا والصوصات اللذيذة لا تفكر تروح لغيره
مونكي هاوس – MNKY HSE
وعشان نكون غطينا أغلب مطابخ العالم فراح نوصل لآخر مطعم راح نتكلم عنه اليوم وهو المطعم الأمريكي اللاتيني مونكي هاس واللي جاي من لندن مخصوص لنا، وهو معروف بأجواءه الجميلة والخدمة اللي فوق الرائعة، ومو بس كذا بعد تراه عنده تنوع بالأكل ومو بس مركز على الأمريكي واللاتيني، مع العلم إنه مشهور فيها بس يعني نقدر نقول انه مطعم يجمع جميع الأذواق والذويقين بحيث تقدر تلقى فيه الأكل الياباني بعد، فهو من المطاعم النادرة اللي قدر يوفقك بين الثلاث مطابخ المختلفة (الأمريكي واللاتيني والياباني)، فننصحك تروح له إذا كنت ما حددت ايش مشتهي لأنه التنوع عنده مارح يترك لك فرصة تفكر بغيره!
هذي قائمتنا لأفضل ٥ مطاعم موجودة في الرياض
وإذا تبي الفعاليات والأنشطة اللي ممكن تسويها في الرياض فكل اللي عليك تسويه إنه تزور الموقع أو تحمل تطبيق هلا يلا الشامل وتستمتع بالتجارب المتنوعة والمميزة
اقرأ أيضًا على المدونة: أفضل ١٠ أشياء تسويها في جدة
